Í gær var ósköp venjulegt föstudagskvöld...

Eftir að hafa borðað grillmat hjá J&K og skilið EK eftir þar til að gista (sem er nýjasta nýtt - gistir núna allar helgar og elskar það) ákváðum við Garpur að fá okkur ís. Með ísinn í hönd stoppuðum við svo á bensínstöð til að kíkja á bíó-auglýsingar í dagblöðunum. Svona þar sem við ætluðum bara rétt að stökkva inn ákvað ég að skilja veskið mitt eftir úti í bíl, en þá var auðvitað best að læsa bílnum. Garpur var farinn út þannig að ég teygði mig yfir í bílstjórasætið og læsti, læsti svo minni hurð og hoppaði út. Þegar bíómynd og bíóhús höfðu verið valin töltum við aftur út í bíl. Þar tilkynnti ég Garpi að hann þyrfti að opna fyrir mér þar sem ég hafði læst bílnum... þá kom frekar skrítinn svipur á karlinn um leið og hann sagði: "Læstiru líka bílstjóra-megin?" "Já" svaraði ég (pínulítið hissa... ég meina halló - hvaða gagn gerir það að læsa bara farþega-megin??). "Ummm... viltu sjá hvar lyklarnir eru?" og viti menn... þegar mér varð litið inn um gluggann á bílnum sá ég þessa líka fínu lykla dangla í svissinum...

GREAT!

Eftir stutt símtal við neyðarþjónustu-lásasmiðinn á Laugarveginum ákváðum við að við hefðum annað og betra að gera við fimmþúsundkallana okkar (ójá! náunginn sem einu sinni tók örfáa þúsundkalla fyrir þessa þjónustu - minnir að ég hafi borgað tvo eða þrjá síðast þegar ég þurfti á gaurnum að halda - er nú farinn að taka 5.000 kr fyrir að rúnta í 5 mínútur og opna bíla með lykli sem hann á nú þegar). Það var því farið aftur inn á bensínstöð og sóttur hamar og á meðan ég sat í mestu makindum á gangstéttarbrúninni braust Garpur inn í bílinn okkar! Hann braut afturrúðuna og skreið frammí og opnaði fyrir okkur. Við vorum svo svaka kurteis og sópuðum öllum glerbrotunum upp af gangstéttinni og teipuðum fallega fyrir brotna gluggann 




Þið sem eruð farin að sjá fallegu oktavíuna fyrir ykkur með teipað fyrir afturgluggann getið samt farið að anda léttar.... við vorum nefninlega á þessum hérna:

Ég þarf aðra helgi til að hvíla mig eftir þessa helgi... veit ekki hversu hress ég verð að taka á móti 20 tíu-ára krökkum kl 8 í fyrramálið nema ég fari í rúmið alls ekki seinna en akkurat núna á stundinni! haha

En það sem ég afrekaði um helgina var:

Jæja ég get eiginlega ekki annað en bloggað þar sem það kom sérstakt request í kommenti hérna á síðustu færslu (þó hún sé orðin tveggja mánaða gömul (held þetta sé bara í fyrsta skipti síðan ég byrjaði að blogga sem það líður svona langt á milli færslna). Ég veit samt alveg af hverju ég er hætt að blogga... tjáningsþörf minni er algjörlega fullnægt á facebook. Þessi eina litla setning sem kemst fyrir í statusinum er bara golden - mín eigin litla þjóðarsál!

Það er örugglega heill hellingur að frétta af mér þó mér finnist nú flest allt vera bara same old same old þannig að ég skal reyna að koma með eitthvað sniðugt handa ykkur hérna:

*Ég gaf Garpi flakkara í afmælisgjöf (maður á alltaf að vera svona sniðugur og gefa gjafir sem maður getur sjálfur notað ) og við erum búin að nýta hann veeel síðan í lok apríl! Kannski þess vegna sem ég blogga aldrei lengur - er svo upptekin við að horfa á þessa blessuðu þætti sem við erum búin að hlaða inn á tækið! Málið er að við kunnum ekki að downloada (lúðar I know) og höfum verið eitthvað svo busy síðasta eina og hálfa árið (það gerðist eitthvað í febrúar 2008 sem gerði það að verkum að við höfum engan tíma fyrir neitt lengur ) þannig að við vorum dottin út úr ööööllum þáttum. EN núna erum við að vinna í þessum málum og það gengur vel! Við erum búin með alla despó þætti sem eru komnir út (áttum eftir 2 seríur) og ég er næstum því búin með allar One Tree Hill seríurnar (á einhverja örfáa þætti eftir sem voru ekki komnir út þegar Ásta var svo góð að fylla á tryllitækið fyrir mig). Svo erum við líka loksins loksin byrjuð á Greys (vorum einu lúðarnir á Íslandi sem voru ekki búnir að sjá neitt af þessum þáttum) þannig að við erum óðum að verða meira kúl í augum Íslendinga um allan heim! aha

*Það vita allir að lífið gengur sinn vanagang þegar ég held áfram að grenja yfir Extreme Makeover Home Edition! Ef ég ákveð einhvern daginn að gefa verkfræðina upp á bátinn og gerast í staðinn leikari mun ég draga fram EMHE í hvert skipti sem ég þarf að gráta "on-cue"

*Viljiði meira um sjónvarpsþætti? So you think you can dance er að byrja aftur eftir minna en viku!!! úff can't wait! Fyrir þá sem vilja smá upphitun þá mæli ég með þessu hérna: http://www.youtube.com/watch?v=9u2XZV5m6yo án efa flottasti og magnaðasti dans sem dansaður hefur verið og við eitt flottasta lag sem til er! og in case you were wondering þá ójá get ég líka alveg grátið yfir SYTYCD...

-Ingunn

4. feb. 2009